كلنا بنشوف الرقم القومي يوميا بس أغلبيتنا عمره ماعرف معني الرقم القومي أو أزاي بيعملوه ، تعالوا في موضوعنا النهاردة نتكلم عن كيفية تكوين الرقم القومي أو ما هي مكونات الرقم القومي..
الرقم القومي:
بطاقة الرقم القومي هي بطاقة تأكيد الهوية في مصر وهي بطاقة تصدرها وزارة الداخلية المصرية ، لكل مواطن رقم خاص به يعرف بالرقم القومي لا يتكرر ولا يتشابه مع الرقم القومي لأي شخص أخر علي مستوي الجمهورية، ويتكون هذا الرقم من 14 رقمًا. في موضوعنا النهاردة هنتكلم عن الـ 14 رقم دول.
1- أول رقم من ناحية اليمين: تقريبا هو دا الرقم الوحيد الأعتباري الـ بتضعة وزارة الدخلية للتحقق من صحة الرقم القومي.
2- تاني رقم من ناحية اليمين: ودا بيدل علي جنس المولود، فإذا كان المولود ذكر بيكون الرقم دا فردي وإذا كان المولود أنثي بيكون الرقم زوجي، وقوم دلوقتي شوف بطاقتك وبطاقة أي حد بس تكونوا مختلفين في الجنس هتلاقي كلامي صح.
3- بعد كدة الـ 3 أرقام ال عليهم الدور (000) دول بقي ترتيب التسجيل اليومي للمولود علي مستوي المحافظة يعني الراجل دا متسجل أول واحد في محافظة في اليوم دا.
4- أما الرقمين الـ عليهم الدور فهم بيمثلوا كود المحافظة الـ انت مولود فيها، فمثلا عندك القاهرة هتلاقي الكود بتاعها (1) والاسكندرية هتلاقي الكود بتاعها (2) والشرقية الكود بتاعها (13) وهكذا.
5- وتقربيا الست خانات الـ ورا بعضيهم دول معروفين للكل فهم بيمثلوا تاريخ الميلاد (يعني الراجل دا مولود يوم 23 شهر 8 سنة 43).
6- والرقم الاخير دا بقي بيمثل القرن الـ إحنا فيه يعني مواليد (1800 هتلاقي الرقم دا عندهم بقي 1) ومواليد (1900 الرقم دا هتلاقية بقي 2)، أما مواليد (2000 فالرقم دا هيكون 3).
مما يتكون الرقم القومي
4/
5
Oleh
Hunter
