دهون البطن (الكرش) تقريبا كدة عدد كبير جدا من الناس بيعانوا من دهون البطن ونفسهم يتخلصوا منها بأي طريقة، وفي منهم بيلجأ للعلمليات الجراحية وفي النوع التاني بيمشي علي نظام غذائي (الدايت) وفي نوع تالت ودا أفضل نوع بيتمرن ويمشي علي نظام غذائي....في موضوعنا اليوم قبل كل شئ لازم نعرف إن البطن أول مكان في أجزاء الجسم بيتخزن عندها الدهون بس للأسف بيكون أخر مكان بيتخلص من الدهون!! شوف إزاي!! والنهارده إن شاء الله هقدملكم نصائح وخطوات ذهبية من غير تعقيد ومبالغة هنمشي عليها فترة زمنية مش كبيرة وإن شاء الله ننزل البطن في فترة صغيرة جدا ونلاحظ الفرق.
كيفية التخلص من دهون البطن؟
1.إتباع نظام غذائي يتناسب معك:
صدق الـ قال "عضلات البطن بتتعمل في المطبخ" فعلا علشان تتخلص من الدهون لازم تحافظ علي أكلك....طبعا الكلام دا سمعته كتير والناس يفضلوا ينزلوا في أكلات من غير سمن وزيت وسكريات وخضروات وحاجة زفت الصراحة، لأ انا إن شاء الله هبدأ معاكم براحة وهتنزل الدهون من غير ما تحس بطريقة جميلة جدا.
بص بقي يا محترم ستكون طريقتنا الجديدة عبارة عن نفس الأطعمة التي تأكلها، دون أن تتخلي عن أي نوع منها نهائي، ولكن سوف نضيف بعض التعديلات المميزة، التي اذا اتبعتها بشكل صحيح سوف تحصل علي جسم مثالي دون أن تشعر، وهذه الطريقة لا نستخدم فيها أي مواد كيميائية أو ممارسة تمارين رياضية.
تدور هذه الطريقة عن أكل نفس الاطعمة ولكن بتقليل الكميات بشكل صغير جدا....وسوف نشرح لكم هذه الطريقة عن طريق مثال يبين لكم ما الذي سوف تتنظموا عليه.
مثال: بص بقي يا سيدي هنعتبر إنك بتاكل في الفطار 5 أرغفة وطبق فول كبير و5 طعميات...تمام؟ قول تمام، بص هو الـ إحنا بنعمله دا بهدله واكيد بعد العجن دا لازم نتخن، بس ولا يهمك هنبدأ بالطريقة وإن شاء الله تحس بالفرق، فستكون وجبة الفطار الـ إتكلمنا عليها بدل ما بتاكل 5 أرغفة هنخليهم 4 أرغفة ونص وطبق الفول هنقلل منه معلقتين بالعدد وهنقلل طعمياية واحدة ونفضل علي الكمية الجديدة دي لمدة أسبوع أو أسبوعين مثلا بحيث يكون جسمك أتعود ع كمية الأكل دي وأقلم بطنك عليها..والأسبوع الـ بعدكدة هنخليهم 4 أرغفة بس ونقلل كمان تلات معلاق فول وهنشيل طعميايه كمان ونفضل نقلل كدة لحد ما نوصل مثلا لرغيفين واحد ونص طبق الفول الـ كنت بتاكله وطعميايه واحده بس، حتي تصبح هذه هي وجبتك الطبيعية، ستلاحظ بأمر الله تغير كبير جدا في معدل أكلك وكذلك في معدل حرق الدهون.
صحيح !! متنساش تزود من شرب الماية، وكمان هذا النظام يعتمد كل الاعتماد علي حساب ما تأكله بشكل دقيق جدا جدا جدا ، ولا تتهاونوا فيه حتي تحصلوا ع ما ترجوه من نتائج منتظرة.
مثال أخر: نفترض أنك تأكل في وجبة الغداء طبق رز كبير جدا وليكن يتكون من ( 12 معلقة رز ) وطبق كبير من أي نوع من الطبيخ.
سنقوم في أول أسبوع بأكل نفس طبق الرز الكبير جدا ولكن سيكون هذه المرة من ( 10 معالق رز فقط ) وتقلل معلقتين من طبق الطبيخ، وتستمر ع هذه الكمية لمدة أسبوع واحد فقط، ثم تمشي بنفس الكيفية كما كان في المثال السابق.
مثال أخر: نفترض أنك بتأكل طبق كشري بـ 10 جنيهات " بألف هنا " :D حاول في كل مرة تنزل جنية واحد بس من تمنه يعنيه خليه يبقي بـ 9 جنيهات لفترة معينة، لغيت ما يوصل لـ 5 جنيهات في فترة أخري، وهكذا.
وهذا النظام مبني ع نظرية علميه، تقول أن جسم الانسان عندما يقلل كمية الاكل بشكل مفاجئ، يرسل المخ اشارات تجعل الجسم يشعر بالتعب والارهاق الشديد، لكي يجبرك ع تعويض ما فاتك من طعام، علي الرغم من أن جسمك يمتلك أكثر مما يحتاج من دهون، ولكن هذه هي طبيعة الجسم، وفي نظامنا هذا نحاول ترويض جسمك علي تقليل الطعام بشكل غير مؤذي ويسبب لك أي اضرار.
2. ممارسة التمارين الرياضية:
أقولك إيه بس الرياضة لازم تكون الرياضة أسلوب في حياتك، بس في ناس كتير بتكسل وفي ناس مش فاضية وأهو ربنا يعين كل واحد ع الـ هو فيه.
في ناس كتير فاكره إن علشان تنزل البطن يبقي لازم تفضل مركز علي تمارين البطن بس، طبعا دا غلط جدا لأن الجسم بيزيد في الوزن سوا وبينزل سوا شوف المعلومة الـ في الصورة دي.
وزي ما انت شايف لو عاوز تنزل بطنك لازن تهتم بتمرين الجسم بصورة كاملة لإن دا بيساعدك علي التخلص من الدهون في البطن بصورة أسرع.
كيفية التخلص من دهون البطن؟
4/
5
Oleh
Hunter