كل عام وأنتم بخير ، شهر رمضان الكريم علي الأبواب ، وهناك مشكلة كبيرة تقف أمام لاعبي الجيم أثناء شهر رمضان وهي مشكلة "أنزل الجيم أمتي"، "وأكل إيه قبل وبعد التمرين" وأخيرا "الفترة الـ بنفطر فيها مش كبيرة وأخرها 3 وجبات"، نعمل أيه بقي ؟؟!
إن شاء الله النهاردة هنتكلم في موضوعنا عن الجزئيات دي ونحاول نبسطلكم الموضوع ..
أنزل الجيم أمتي في شهر رمضان:
تمارين قبل وجبة الأفطار:
ممكن تنزل الجيم قبل الفطار بفترة تتراوح من ساعة إلي ساعة وربع وتقريبا الفترة دي تستطيع فيها أن تنهي تمرينتك بالكامل، بس لازم يكون الفترة من إنهاء التمرينة إلي وجبة الأفطار لاتزيد عن 15 دقيقة، ويرجع تقصير تلك الفترة الزمنية الفاصلة بين لحظة إنهاء التدريب والإفطار هو محاولة تعويض الجسم بالسوائل و الأملاح المعدنية المفقودة بأسرع وقت ممكن لتجنيبه العوارض الصحية التي من الممكن أن تلحق بك، نتيجة التدريب في جو رمضاني صيفي حار يمتاز بطول ساعات الصيام ، و يضيف بعض المتخصصين أن ممارسة الرياضة قبل الإفطار بمدة بسيطة تعمل على زيادة كفاءة الجسم في التخلص من السموم الناتجة عن عمليات التمثيل الغذائي إلى جانب تنشيط الدورة الدموية و زيادة الشعور بالراحة و الإسترخاء.
تمارين بعد وجبة الأفطار:
ممكن تنزل بعد الفطار بحوالي ساعتين إلى 3 ساعات ، لأن في الفترة دي بيكون الطعام إتهضم جيدا وممكن ساعتها إستخلاص الطاقة الموجودة في الأكل دا وتزويدها للجسم وتقدر وقتها تتمرن وتنزل الجيم، ولايجوز نهائيا عمل أي مجهود خلال تلك الفترة لأن طاقة وجهد و تركيز الجسم بالكامل، يكون منصب على إتمام عملية الهضم و يضيف بعض المتخصصين أن الفائدة المرجوه من ممارسة التمارين بعد الإفطار تتمثل في أنها تحفز و تسرع من عمليات الأيض و حرق الطاقة المستمدة من الطعام الممول للجسم.
في بقي ناس بتسأل نلعب في الجيم كام ساعة ؟!
بص بقي يا سيدي رمضان ليه ظروف خاصة ويفضل إن التمرينة متزيدش عن ساعة، علشان متضرش جسمك، ودا مش كلامي دا كلام المختصين، وبردوا متزودش عن 5 أيام في الأسبوع.
وممكن تقسم الساعة كالأتي: تسخن كويس جدا لمدة تتراوح من 7 دقائق إلي 10 دقائق ثم تبدأ تمرينتك لمدة لاتقل عن 30 إلى 45 دقيقة وبعد كدة تبدأ تمارين الاستشفاء والتبريد لمدة 5 دقائق.
بص بقي يا وحش مينفعش إطلاقا ممارسة التمارين الرياضية قبل الفطار وتكون قبلها لسه راجع من شغل او أي حاجة مرهقة، لانك كدة بتدمر جسمك، وبردوا الناس الـ عاوز تعمل زيادة في كتلتهم العضلية ،لا ينصح أبدا بممارسة الرياضة قبل الإفطار.
نصائح هامة لممارسة الجيم أثناء شهر رمضان
4/
5
Oleh
Hunter
